منح دراسية

كيف احصل على منحة دراسية مجانية 2021 ورد فتاه حاصلة علي منحة في رومانيا 2021

كيف احصل على منحة دراسية مجانية

كيف احصل على منحة دراسية مجانية 2021 ورد فتاه حاصلة علي منحة في رومانيا 2021

كيف احصل على منحة دراسية مجانية 2021 ورد فتاه حاصلة علي منحة في رومانيا 2021

“منحة الحكومة الرومانية”
مرحبا أنا ليليان, حاصلة ع منحة الحكومة الرومانية لسنة 2020/2021. عم ادرس ماستر عمارة داخلية.
بهاد البوست رح احكي بشكل مختصر عن المنحة وميزاتا, وبنهاية البوست رح حط مجموعة لينكات منن لينك لفيديو عملتو عم اشرح فيه عن طريقة التقديم.

– بالبداية هي المنحة مقدمة من الحكومة الرومانية عن طريق وزارة الخارجية للمواطنين الأجانب من خارج بلدان الاتحاد الأوروبي مع وجود عدة استثناءات (بس انت ك سوري بتقدر تقدم) لكل الاختصاصات ما عدا الطب, طب الاسنان والصيدلة.

ميزات المنحة:
– بتقدر تدرس البكالوريوس مع راتب شهري 65 يورو, درجة الماستر 75 يورو, درجة الدكتوراه 85 يورو (رومانيا تعتبر نوعا ما أرخص من الدوال الاوروبية التانية يعني بهيك راتب بتقدر تعيش بس ما بتقدر تغنج حالك)
-الدراسة باللغة الرومانية, المنحة بتقدم سنة تحضيرية مدفوعة من قبل الحكومة لتدرس اللغة, وبعد سنة اللغة بتبلش بدراسة الاختصاص يلي اخترتو ( حكما دراسة الاختصاص رح يكون باللغة الرومانية)
– المنحة بتفتح ب 15 تشرين الثاني وبتسكر ب 30 نيسان. رح تعرف نتيجة قبولك او رفضك ب 15 تموز (ممكن يبعتولك ايميل وممكن يدقولك تلفون) في حال القبول, الفيزا بتطلع بعد شهر تقريبا أو أقل وبتقدر تكون برومانيا بشهر 9 أو بعد (حسب فيزتك ايمت بتبلش)
– راتب المنحة بيتوقف بالصيف.
– بالعطلة الصيفية لازم تقدم عالسكن الجامعي وتدفعلو لان بهي العطلة السكن غير مدفوع.
– الاشيا يلي رح تدفعا هي تكت الطيارة, وسفرتك عمطار بيروت, وبتذكر اني دفعت للسفارة 110 دولار (مابعرف ازا هي السنة نفس الشي لان في كتير اشيا اتغيرت لهيك بنصح انك تبعت ايميل للسفارة تسال فيه عن الاشياء يلي ما لقيتلا جواب بهاد البوست او بالصور يلي موجودة)
– تكت الطيارة من مطار بيروت لرومانيا يعتبر رخيص مقارنة لغير دول, 170 يورو من بيروت على بوخارست ومن بوخارست على كلوج نابوكا يلي هية المدينة يلي انا فيا, شركة الطيران رومانية واسما Tarom (بعرف انو 170 مانو رخيص بالنسبة للناس يلي بسوريا بس بظن هالمبلغ يعتبر مقبول)
– انا ما بدفع للباص او القطار لما بسافر من مدينة لمدينة لاني عم ادرس بجامعة بتعطيني كرت بيسمحلي اتنقل وين ماكان برومانيا ببلاش (مابعرف ازا كل الجامعات هيك و مو غلط تسالو لان هالشي كتير بوفر عليكون)
– مقابلتي كانت عالتلفون دقولي وحكينا لمدة 20 دقيقة بالانغليزي. في ناس ما انعمل معا مقابلة وما انقبلت وناس بالعكس.

إقرأ أيضا:منحات دراسية مجانية مقدمة من بريطانيا و نيوزلاندا

 

كيف احصل على منحة دراسية مجانية 2021 ورد فتاه حاصلة علي منحة في رومانيا 2021

الأوراق المطلوبة:
– طبعا وأكيد شهادة البكلوريا او الجامعة او الماستر + كشف العلامات
– شهادة ولادة
– 3 صور لاول 3 صفحات من البسبور
– رح تلاقي عموقع السفارة الرومانية بسوريا ملفين, رح تعبيون بمعلوماتك الشخصية وتختار اسم الجامعات يلي بدك ياهن واسم المدن (بتلاقي الرابط بنهاية البوست)
– سيرة ذاتية (CV) بتعملوه ع Europass
– رسالة دافع فقط لمرحلة الدكتوراه

الأوراق ——الغير—– مطلوبة:
– رسائل توصية من الاساتذة الجامعيين أو رب العمل
– شهادات خبرة وتطوع ( طبعا هو شي جيد وبضيف قيمة لأوراقك بس بتقدر تذكر الاشيا التطوعية تبعك بالCV)
– رسالة الدافع غير مطلوبة لدرجة البكالوريوس والماستر
– شهادة لغة انغليزية أو غيره

كيف احصل على منحة دراسية مجانية 2021 ورد فتاه حاصلة علي منحة في رومانيا 2021

بتعملو صور مصدقة عن الأوراق المطلوبة وبترجمون ع وحدة من هدون اللغات: انغليزي, فرنسي أو روماني وبتبلشو عملية الترجمة والتصديق وبتحولو كل الاوراق لصيغ الكترونية وبتبعتوون عايميل السفارة يلي رح تلاقوه عموقع السفارة.

موقع السفارة الرومانية في سوريا (موجودة بدمشق ناح المهاجرين)
https://www.mae.ro/en/node/10251

إقرأ أيضا:بلاك بورد جامعة الجوف مقدمة من المملكة العربية السعودية للتعليم عن بعد

هون بتقدرو تلاقو كل الجامعات الرومانية يلي مسموح تقدمو عليون (تقريبا كل جامعات رومانيا بحقلكون تقدمو عليون)
https://www.edu.ro/institutii-invatamant-superior

رابطين لطريقة التقديم موجودين عالانستا (حكيت تجربتي الي بالفيديو, عن البلد والمدينة يلي أنا فيا والعيشة بشكل عام وكيفية التقديم والأوراق. في اشيا تغيرت لهيك لازم تقرو كتير منيح الصور يلي موجودة بالبوست هون نظرا للتغير يلي صار من السنة الماضية وهي السنة)

ازا فاتحين من اللابتوب دخلو على هدون الروابط (رابط كيفية التقديم عالانستا)

https://www.instagram.com/tv/CItNaUOFAFD/…

https://www.instagram.com/tv/CMz66Dklj6V/…

إذا من الموبايل
https://www.instagram.com/tv/CItNaUOFAFD/…

https://www.instagram.com/tv/CMz66Dklj6V/…

وبدي قول نصيحة أخيرة عن تجربة, ما تاخدو بعين الاعتبار كلشي بيحكوه العالم, كتير ناس استغربت مني لما قدمت عالمنحة الرومانية, أنو رومانيا ؟؟ ولما عرفو اني رايحة عمدينة غير العاصمة هون كانت الصدمة للناس, أنو شووو حدا ما بروح عالعاصمة ؟؟ (العاصمة هي بوخارست)

كيف احصل على منحة دراسية مجانية 2021 ورد فتاه حاصلة علي منحة في رومانيا 2021

بس انا كنت مصرة وحاطة المنحة ببالي وحاطة مدينة Cluj-Napoca ببالي وكانت حلم واتحقق, ولما وصلت شفت اشيا أحلى من يلي كنت متوقعتو.
قبل ما تقدمو حاولو اقرو عن البلد, حاولو خلو عندكون فكرة لوين رايحين, كيف شكلا المدينة وبشو مشهورة, يمكن تلاقو شي بهالبلد تحبوه كتير وتقولو عنجد في هيك شي هون؟؟
إزا انجليزيتك قوية رح تقدر تلاقي شغل متل ما انا لقيت بعد شهر من وصلتي عرومانيا, مافي شي صعب بس بدكن تتعبو شوي

إقرأ أيضا:منحة مالية لطلاب الماجستير بقيمة 2500 يورو من مؤسسة Neufert لقسم الهندسة المعمارية 

يارب كون قدرت ساعدكون وموفقين جميعا

صور رسالة المنحة

كيف احصل على منحة دراسية مجانية

 

أقرا المزيد

 

منح دراسية في كندا لطلاب البكالوريوس في جامعة كونكورديا 2021

منح دراسية في بريطانيا 2021 لطلاب الماجستير في مجال الكتابة الإبداعية لدى جامعة إيست أنجليا
السابق
الدراسة في الخارج في أستراليا 2021 للماجيستير
التالي
نظام المنح الدراسية بجامعة Strathclyde في المملكة المتحدة للدراسة عن بعد لعام 2021

اترك تعليقاً